ପ୍ରକଟ ଘନ ସମୟ, ଘନ ପଟଳ ଉଦୟ
ଧନ୍ୟ ରସଜନ୍ୟ ସ୍ଥଳ, ଦରଶନର
ରତ ଷଣ୍ଢ ମଉଭର ନଟନ ଅଚଳପର,
ତପ ଅନ୍ତକ ଅନଙ୍ଗ ମଙ୍ଗଳକର
ଏ ଡର ସମ୍ଭବ ସଉଧ,
ନଗଧବ ତଳତ୍ୟକ୍ତ ଗମନ ଉର୍ଦ୍ଧ ।
କର୍ଣ୍ଣ ଗତ ଘଟ ଘଟ, ଶରଭ ଗର୍ବ ପ୍ରକଟ
ଦନ୍ତ ରଟ ମଟ କର ଉର୍ଦ୍ଧ ନୟନ,
ପଥ ଗତ ଜନଙ୍କର, ପ୍ରଭବ ଏମନ୍ତ ଦର,
ତର ସରସ ଭଲ୍ଲିକବର ଏ ଘନ
ଏଣ ଶଶ ହୟ ଦର୍ଶନ,
କବଳ କରଇ ଧର ଚନ୍ଦ୍ର ତୃପନ ।
ଜଗତ ତମ ସମୟ, ନଭ ଦରଶନ କ୍ଷୟ,
ଦରଶମତ ସକଳ ଦଣ୍ଡ ସଘନ,
ଅହ ହତ ମହଭୟ ଉଦୟ ଚକ୍ର ଉଭୟ
ମହତ ରକ୍ଷକ ସତ ବନଜ ବନ
ତସ୍କର ପ୍ରକର ହରଷ,
ଉପଧବ ପରସଦ୍ମ ଗତ ରଭସ ।
ତଡିତ ମଧ୍ଯ ଅକ୍ଷର, ଇବନ୍ତ ଘନ ଉଦର,
ଝଟ ଝଟ ଝଟକଇ ଏସନ ମତ
ସମ୍ଭର ଅନ୍ତକ କର, ଝଡଗ ଝଲକତର,
କମ୍ପନ ସଭୟ ମନ ହନନ ବତ !
ଚମ୍ପକ ଗର୍ଭକ କବର,
ମତ ରଞ୍ଜନ ଧରଇ ନଭ ଉଦର ।
ଅନନ୍ତ ପୟ ପତନ, ପର ନଗରସ୍ଥ ଜନ
ଇତସ୍ତତ ନ ସରଇ ଅନବରତ
ବନ ଧନଞ୍ଜୟ ହତ, ପ୍ରଜ୍ବଳ ଅନ୍ତର ଗତ,
ଅନଙ୍ଗ ଦଇବ ବଳ କର୍ମ ଏମନ୍ତ ।
ବହଇ ପ୍ରଖର ପବନ,
ଉଡଇ ଉଦକ କଣ ଜନ୍ମ କମ୍ପନ ।
ପଲବଲ ହତପକ୍ଷ ଏ ଦକ ସହସ୍ର ଅକ୍ଷ,
ବହଇ ଚଡକ ବଶ ଦହଇ ନଗ,
ପ୍ରଜ୍ବଳ ଶଲଭ ଗଣ ଲକ୍ଷକ ଅନଳ କଣ
ଭକ୍ଷ ବଶ ହତ ଚନ୍ଦ୍ରରତ ପତଙ୍ଗ,
ବରଷଇ ଘନ ଉପଳ,
ଧରଷଇ ଅଧ୍ବଗର ଦମ୍ଭ ଚପଳ ।
ରଙ୍ଗ ଜଳମୟ ନଦ ଭଙ୍ଗ ଗର୍ଜନ ଭୟଦ
ଭ୍ରଷ୍ଟ ତଟ ନଗବର୍ଗ ଦରଶନର
ଧବଳ ଛଦ ସମ୍ବଳ, କରକ କମଳ ଦଳ,
ଗମନ ସ୍ବନ ଅବଳ, ସରଉଦର
ଖର୍ବ ପର୍ବତମାନଙ୍କର,
ଉପର ସ୍ଥଳ କର୍କର ବହଇ ଝର ।
କର୍ଦ୍ଦମ ସର୍ବ ଅୟନ ତ୍ୟକତ ସର ଶୟନ
ହୟ ପର ଶୟବତ ଜବସ ଘନ
ଗଗନ ମଣ୍ଡକ ବକ- ପ୍ରକର ଉଚ୍ଚ ରବକ,
ଅଳମକ ମକମକ ପତନ କର୍ଣ୍ଣ
କଳକଣ୍ଠ ମଉନ ସତ,
ଖଳ କଳହ-ବଶର ସଜ୍ଜନ ମତି ।
ଶକ୍ରଅଗ ଚକ ନବ, ସ୍ତବକବନ୍ତ କଦମ୍ବ,
ଗନ୍ଧଭର ମଙ୍ଗ ଅଷ୍ଟପଦ ବରଜ
ଧବ ଅନ୍ତକଜନ, ଅଞ୍ଜନ ଜଳ ରଞ୍ଜନ,
ସକଣ୍ଟକ ଗଣ୍ଡବତ ରମ୍ୟ ସହଜ,
ସମସ୍ତ ସମୟ ଦର୍ଶନ,
ପ୍ରସବଣଧର ପର ପଦ ନୟନ ।
ଅମରବର ରତନ ବତ ବରନ ଯତନ,
ଭରତ ଅଗ୍ରଜ ଜନ ଆରତହର,
ଏମନ୍ତ ରମ୍ୟ ସଦନ, ଦର୍ଶନ କ୍ଷଣ ବଦନ,
ଉପଯମ ମଦନ ବଶ ସତ୍ଵର,
ଅମଳ କମଳ ଈକ୍ଷଣ,
ଅଶରଣ ଶରଣ ଅରକ୍ଷ ରକ୍ଷଣ ।
ଖଳ ଦଇବ ବଶର କଦନ ମଦନ ଶର,
କରଇ ଅନବରତ ବଡ ଅପକ୍ଷ
ଶ୍ରବଣ ଘନ ଗର୍ଜନ କ୍ଷଣ ମନ ଛନ ଛନ୍ନ,
ରସ ରତନ ଆକରଚଉର ରକ୍ଷ,
ଆସଇ ଭ୍ରମର ଏମନ୍ତ,
ଖଡଗଧର ଉଟଜ ଚତୁର ଗତ ।
ଦରଶନ ନବଘନ ବକ ପ୍ରକର ଦରଶନ
ଘନ ଘନ ଜଳକଣ ମଦ ପତନ
ଏସନ ଭ୍ରମ ସହଜ, ସୁର ଭବ ଜୟ ସଜ
ଅଞ୍ଜନ ମତ୍ତଗଜର କନ୍ଧ ମଣ୍ଡନ,
ଗରଜନ ପଟହସ୍ବନ
ସଦନ ନନ୍ଦକ ଭଟ ଯଶ କଥନ ।
ଷଡବଦନ ସ୍ୱନ୍ଦନ ଚନ୍ଦକ ଛତ୍ରଧରଣ
ଭ୍ରମର ଡଗର ବଜ୍ର ଅସ୍ତ୍ର ଉଜ୍ଜଳ
ଚନ୍ଦ୍ରଶରର ଅଶନ ସତ ତଦ୍ଦ ତରଞ୍ଜନ
ଲକ୍ଷ ଦର ଶବଦ ଚହଳ ଗହଳ,
ଏ ସ୍ତବ କଥନ ସତ୍ବର,
ମମ ଏକଜନ ହର ଭ୍ରମ ନ କର ।
ଜନକ ସତ୍ୟ ବତ୍ସଳ, ଗମନ ଗହନସ୍ଥଳ,
ଭସ୍ମ ଚର୍ମ ଜଟଧର ନାଗ ଭବନ,
ଅନଳ ତଳର ସତ, ଅର୍ଷ ଶଶଧରବତ
ଦଗ୍ଧ ସ୍ବର୍ଣ୍ଣବତ ଧନ ଦତ୍ତ ବସନ,
ତବ ପର ତ୍ରୟନୟନ
ଉରଗ ଅଙ୍ଗଦ ବୃଷଧ୍ବଜ ଉଲଗ୍ନ ।
ଚଳ ଚଳ ମନରଥ, ରଜତପ୍ରସ୍ତ ପ୍ରମଥ
ବର ସଙ୍ଗ ଅନରଥ ସମର୍ଥପଣ
ଏକସ୍ଥ ଦମ୍ଭ ନ ମନ୍ଥ, ଏ ଯଶ ପ୍ରକଟ ବ୍ୟର୍ଥ
ନ ବହି ନ ବହ ଏଣୁ ମଦ ଲକ୍ଷ୍ମଣ
ସର୍ପସମ ପର ଅପର,
ନ କର ନ କର ହତ ପଞ୍ଚମଶର ।
ଭସ୍ମ କରଇ ଇନ୍ଧନ, ହତ ଦହନ ବହନ
ମମ ହତ ଅନ୍ତ ତବ ଏସନ ଦଣ୍ଡ
ଅନୁଭବ ଅଛଇ ତ, ଦଗଧ କଷଣ ସତ
ମହଅଯଶ ନମଣ୍ଡ ଏ ମର୍ତ୍ତ୍ୟଖଣ୍ଡ
ଖଳ ଦଣ୍ଡଇ ନତଜନ
ତବ ବଡ ଯଶ ଚକ୍ରଧର ନନ୍ଦନ ।
ଏ ଦଶରଥ ନନ୍ଦନ, ଶରଣ ଭୟକ ଜନ,
କରଇ ସ୍ତବ ଏମନ୍ତ କରି ଏମନ
ତବ ଧନ ହରଣକ ପରମ ସମ୍ବର ଲକ୍ଷକ
ମମ ପର ଦଶକନ୍ଧ ଯତନ,
କରଣ ରକ୍ଷଣ ଏ ଘଟ
ରସଜ୍ଞ ଜନନସହ୍ୟ ଅନ୍ତର କଷ୍ଟ ।
ଘନ ପ୍ରବଳ ଏମନ୍ତ ଚଇତନ ଉପଗତ,
ଜପନ ମଧ୍ୟର ଗତପ୍ରସଙ୍ଗ,
ଜଳଦ ଗରଜନ କର ଶ୍ରବଣ କମ୍ପନ,
ତର ତର ଗମନ ମଣ୍ଡଇ ଉତ୍ସଙ୍ଗ,
ଶୟନର ଲବ ଅନ୍ତର
ନ କରଇ ଉରଭର ଧନ ଭୟର ।
ଏ ଡର ବଡ ଜନନ, ରକ୍ଷ ରକ୍ଷଣ ଏଜନ,
ଚନ୍ଦନ ମହ ଉରଗ ରକ୍ଷଣ ମତ
ଅଲକ ଅନ୍ତର କ୍ଷତ, ବରଷ ମଣଇ ସତ,
ଏ ଜନ ନବ ପର୍ବତ ଅନ୍ତର ଗତ,
କଳ ଐଳନନ୍ଦନ ସମ,
ଦଇବ ବରର କଷ୍ଟ ସକଳ ସମ ।
ସ୍ବଚ୍ଛ ବସ ବଦ୍ର ସ୍ଥଳ, ଖର କରଜ ଲଙ୍ଗଳ,
ବଶର କର୍ଷକ କର ସହଜ ଧନ,
ହରଷ ଶସ୍ୟ ସମ୍ପଦ, ବରଧନ ରସପ୍ରଦ
ରକ୍ଷଣ କର ବରଣ ମଧ୍ଯ ସତନ
ଏ ଯତ୍ନ ଭଗନ ରଭସ
କବଳର କଷ୍ଟ ଏଣ ସଫଳ ଶସ୍ୟ ।
ଚନ୍ଦ୍ର ଉପଳ ଦ୍ରବଣ, କରଇ ଶଶମଣ୍ଡନ
ତଦବତ ମମ ଦ୍ରବଣ କରଇ ଧନ
ଏ ଅପଘନ ଇନ୍ଧନ, ସତକରଇ ଚନ୍ଦନ
ଦଗଧଇ ସ୍ମର ଜ୍ବଳନ
ତ୍ୟକ୍ତ ନ କରଇ ବଶ ଗନ୍ଧ ସଦନ ।
ଧନ ଶତପତ୍ର ବନ, ମକରନ୍ଦ ପୟ ମନ,
ଅନ ରସ ନ ଇଚ୍ଛଇ ସନ୍ତତ ବଶ,
ସତ ଛଇଳ ରତନ, ରମ୍ୟ ଅର୍ଣ୍ଣବମଜ୍ଜନ
ଉଚ୍ଚସ୍ତନ ଅମରଧର
ସଙ୍ଗ ସଙ୍ଗ ପତଙ୍ଗ କର କର ।
ଧନର ଅଙ୍ଗ ସଙ୍ଗମ ଭଷ୍ମ ସମୟର ରମ୍ୟ
ସତ ମଳୟକ ସମ ତପତି ହର
ଜଡ ସମୟ ଜଡନ ତପନ କର ରଞ୍ଜନ
ଉଭୟ ମତ ରଞ୍ଜନ ଏ ସମୟର
ଏମନ୍ତ ରଙ୍ଗ ନ ଧରଇ
ଶମ, ଚମ, ବ୍ରହ୍ମଚର୍ଯ୍ୟ ଦମ୍ଭ ହରଇ ।
ଅଙ୍କଗନ୍ଧ ଚହଟଇ, ପଦ୍ମଗରବ ସରଇ,
ଗନ୍ଧଗ୍ରହ ନ ସରଇ ଆନ ଗନ୍ଧର
ପୟର ପତନ ସ୍ଥଳ, ବସଇ ମତ ଭ୍ରସଳ
ଇଚ୍ଛଇ ଏତ କମଳଚୟ ଈଶ୍ବର
ଏମନ୍ତ ରଞ୍ଜନ ଗମନ,
ଚଳଇ ମନମଥର ସ୍ବର୍ଣ୍ଣସ୍ୟନ୍ଦନ ।
ଭର ଉପର ଶୟନ, ସମୟର ମମ ଧନ
ମହାଉଜ୍ଜଳ କନକ ପଦକ ମତ
ତଡିତ ମଧ୍ୟ ଅଧର, ଇବନ୍ତ ଘନ ଉଦର
ଝଟକ ବଡ ଛଟକ ବହଇ ସତ!
ନଭସଦ ପଲକ ହର
ମମ ପଲକ ଅନ୍ତର ବଡ ନ କର ।
ଧକ ରମ ସ୍ବର୍ଣ୍ଣସର, ସ୍ବଚ୍ଛ ଘନ ରସଭର
ସଗନ୍ଦ ଅମଳ ଶତଦଳର ସ୍ଥଳ
ରଚଇ ରସତ ସତ, ଧବଳପକ୍ଷର ମତ
କରମ ଅନ୍ତର ଗତ ମନ ଚଞ୍ଚଳ।
ବହୁ ଲୟ ତପସ ମତ
ସର୍ବଦଣ୍ଡ ଏକ ଲୟ ମମ ଏ ସତ ।
ଶର୍କର ଲକ୍ଷ ବଚନ, ଏ ପଦ ବହଇ ଧନ,
ବଶ ଶ୍ରବଣ ନୟନ ସତ ଏଥର
ବଡ ଷଡରସର, ଏ ଦ୍ରବ୍ୟ ଅଶନ କର
ସନ୍ତତଜ ନ ରସଇ ଅନ୍ୟ ରସର,
କରତ ମନର ଜଳଦ,
ଅଟଇ ଧନ ସକଳ ହରଷ ପ୍ରଦ ।
ରସ ଉତ୍ତର ମନ୍ତର, କରଇ ସତ ଅନ୍ତର,
ଅନ୍ତରଗତର ସ୍ମର ଉରଗ ଗର,
ଉରଜ ଦ୍ବୟ ଚନ୍ଦନ, ଗହ ହରଇ ବହନ
କ୍ଷତ ପ୍ରଚଣ୍ଡ ଜଳନ ତତପରର
ଅନ୍ତର ଏସନ ଦଣ୍ଡଇ,
ସମ ଦମ ବ୍ରହ୍ମଚର୍ଯ୍ୟ ଦମ୍ଭ ଖଣ୍ଡଇ ।
ସ୍ମର ଜ୍ବର ହର ରସ, ଅଟଇ ଧନର ରସ,
ତଦ ଉପକରଣ କରଇ ରଚନ,
ଯତନ ବସ୍ତୁର ପର ହରଇ କରଇ କର,
ପତନ କରକ ଫଳ ଉନ୍ନତ ସ୍ତନ ।
ମମ ଅନ୍ଧ ଅବନ ଦଣ୍ଡ,
ଅନ୍ତର ଏଥ୍ ଉପର ଅଛଇ ଦଣ୍ଡ ।
ଏ ସମୟ ଝର, ଝର, ବରଷଣ ତର ତର,
ପ୍ରବଳ ପ୍ରକଟ ଘଟ ଘଟ ଶବଦ,
ପ୍ଲବଗଣ ଭକ ଭକ, ସମଦ, ରବକ ବକ
ଖର ଖର ଅନ୍ତକର ପ୍ରଳୟ ପ୍ରଦ
ଲକ୍ଷଣ ରଚଇ ଯତନ
ଉପଇନ୍ଦ୍ର ଭଞ୍ଜର ଏ ରସ ରଚନ ।
