ରାଗ-ଚକ୍ରକେଳି
ଅବରଜ ବଚନର ମଉନ
ଏ ସମୟର ବହଲ ପବନ । (୧)
ଖରପର କଥନ ଏ ଉତ୍ତର
ତବ ତନୟ ମମ ସହଚର । (୨)
ମମ ସହଜ ସଦୟ ଅରହ
ନ ବହ ଏ ଅବୟବ ନ ଦହ । (୩)
ଉପଗତ ଏସନ ଅସମୟ
ମଳୟଜ ଦହନ ଧନଞ୍ଜୟ । (୪)
ସତ କରମ କରଇ ସକଳ
ହର ଅଶନ କରକ ଗରଳ । (୫)
ମଳୟଜ ନଗର ଗଗଧର
ଶଶ ବହ ଧବଳ କର ଉର । (୬)
ତଦବତ ମମ ଧନ କରମ
ନରଧବ ଭବନର ଜନମ । (୭)
ଯଉଁ ନର ସଘନ ଅପଘନ
ରଜ ସମଳ ବଶ ଅଯତନ । (୮)
ମନ ରତନ ଖଟ ନ ହରଇ
ନବ ପଲ୍ଲବ ଶୟନ କରଇ । (୯)
ଡର ଜନମ ହରଷ ଢଳଇ
ଘନ ଜଠର ଅନଳ ଜଳଇ । (୧୦)
କରଇ ଏ କବଳ ଘନ ଘନ
ନଭ ଶଶଧର ନଗ ତପନ । (୧୧)
କହ, ଏଥଉପର କର ଘର
ତବ ସମୟ ବସନ ଯତନ । (୧୨)
ଏ ସମତ ଇଇଳ ରତନର
କୁଚ ଲପନ ଉରଜ ଅଧର । (୧୩)
ବସ ବଲ୍ଲଭ ବତ୍ସର ତପନ
ଯତ ଏ ରସ କରମ ଅବଳ । (୧୪)
ଏଥ ଉପର ଏଦର ପତନ
ଶଶ ସମ ଧନର ଅପଘନ । (୧୫)
ନଖ ପଦ ଅଳପ ନ ସହଇ
ଖର ଶର ମଦନ ବରଷଇ । (୧୬)
କହ ଭଜନ କର ହର ହର
ଦର ଜନମ ମତ୍ତ ମଦନର । (୧୭)
ଏଥ ଉପର ପତନ ଏ ଦର
ନ ସହଇ ବନଜକର, କର । (୧୮)
ମହ ଉଚ୍ଛନ୍ନ ଦହନ ଜନନ
ଅନବରତ କରଇ ଦହନ । (୧୯)
ଘନରସର ହତ ନ ଭଜଇ
ସତ ମମ ଘନରସ ଇଚ୍ଛଇ । (୨୦)
କହି ବଲ୍ଲଭ କରଇ ଗମନ
ଘଟ ରଖ ନ କରଇ ଉନମନ । (୨୧)
କରକଶ ପଥର ମମ ଉର
ନ ପଡଇ ଚଡକ ଏ ଉପର । (୨୨)
ଧନ ଏସନ କଷଣ ସହଇ
ଘଟ ରହଇ ଜପନ କରଇ । (୨୩)
ନବସପତ ବରଷ ବୟସ
ଏକ ଅବୟବ ରସ ହରଷ । (୨୪)
ମହ ସଉରଭ କର ସହଜ
ଷଟପଟ ନ ଇଚ୍ଛଇ ବନଜ । (୨୫)
ଅସ ଝଟକ ଅପଲକ କର
ଏ ସତ ନଭସଦନ ଗଣର । (୨୬)
ଏସନକ ନୟନ ବଡପଣ
କଚ ଭୟର କଜ୍ଜ୍ବଳ ଶରଣ । (୨୭)
ବଶ କରଇ ଜଗତର ଜନ
ଧନ ରସ ରମ୍ୟକର ସଦନ । (୨୮)
ସତ ବଳଇ ଏସନ ଜନର
କଷଣ ତ ଦଇବ ଜଡିବର । (୨୯)
ଏ ସମୟର ଅହ ଉତପନ
ଅମର ପଥ ରକତ ବରନ । (୩୦)
ମନ୍ଦ ଶବଦ କରଇ ସତ୍ଵର
ଗତଚରମ ନଗ ଶଶଧର । (୩୧)
ଦରରବ କରିହର ଭବନ
ଷଡ ହରଷ ଶତଦଳ ବନ । (୩୨)
ଷଡ ଚରଣ ଏରବ କରଣ
ଚଳ ସଦନ ଉପଧବଗଣ । (୩୩)
ଦଶରଥକ ଉଟଜ ଉଦର
ଗତ ନୟନ ଦତ୍ତଘନ ପର । (୩୪)
ଝଟ ଝଟ ଜମ ଏ ଉପମ
ଧନ କନକ କବର ଏ ସମ । (୩୫)
ଏ ତ ନର ସହରଷ କଷଣ
ତପ,ତପନ, ତପତ ହରଣ । (୩୬)
ନଦ ସର କରଇ ଜଳଭର
ଦବଦହନ ଭୟ ଅପସର । (୩୭)
ପର ନଗର ଗମନ ହରଇ
ଜନମନ ରସ ବଶ କରଇ । (୩୮)
ପରତଳ ଶଙ୍କଟ କଟକର
ଇଚ୍ଛଇ ତ ହରଷ ଜଡବର । (୩୯)
ସନତମ ଏ ମନର ଚପଳ
କଥନ କତନ ରସ ସକଳ । (୪୦)
ଭବବଶକ କମଳ ଚରଣ
ଉପଇନ୍ଦ୍ର ଭଞ୍ଜ ମନ ଶରଣ । (୪୧)