ଅସମଶର ଉଚ୍ଛନ୍ନ କରଇ ତ କଥନ କମଳନୟନ
କର ଜଳଧର ସଦୟ ଉଦୟ ନ କର ବର ଗରଜନ
ଜଳଦ, ଚଳକ କନକ ନଗର
ନକର ସଖ ପରଖର ପବନ ଜଳ ବରଷଣ ନ କର ।
ମମ ଧନର ଏସନ ପରସନ୍ନ ଚପଳ କର ଦରଶନ
ତଳତଳପ କରଣ ହତ ସତ କଜ୍ଜଳ ସଜଳ ନୟନ
ଜଳଦ, ସତ ଏ ଯଶ ଅରଜନ
ଦହନକ ଚହକ ବରନରରଜତ ସମଅଯତନ ।
ମଦନ ଗଜ ମତନର ଯତନ ହତ ଅପଘନ ବନଜ
ଉଚ୍ଛନ୍ନ ଦରଶ ପରଶ ହତକ ସମ ଶଶଧର ସହଜ
ଜଳଦି, ଏ ଘନ ସମୟ ଅସର
ମମ ଲପନ ଦରଶନ ସ୍ବପନ ଜଟବତ କର କବର ।
ସତ ଷଟଦଶ ବରଷ ବୟସ ଏ ଜନ ଏ କଷଣ ସହ
ବଲ୍ଲଭ ତବ ଦରଶନ ଯତନ କରଇ ତ ଏସନ କହ
ଜଳଦ, ନବ ଛଇଳ ରତନର
ହରଷ ଜନମ କରି ଅଳପକ ମରଣ ତନ ମନ ହର ।
ଧନ ସମ ଧନ ସତ ଜଗତର ଏସନ ପରବ ଦରବ
ପୟମତ ସତ ଧରଇ କରଇ ଜନମ ରସ ନଦ ନବ
ଜଳଦ, ଏସନ ନ ହରଇ ଅନ୍ୟ
ଜଳ ମଜ୍ଜନ ବସନ ବତ ନର ତର ଅପଘନ ଜଡନ ।
ମତ୍ତ କଳରବ କଳରବ ବତ ରସ ରତି ମତ୍ତବଚନ
ଅମର ଧବ ନରଧବ ପଦତ ଇତର କରଇ ବହନ
ଜଳଦ, ପଦ କଟକର ଶବଦ
ଧବଳ ଛନ୍ତର ତବଦ କରଇ ହରଇ ମଦନର ମଦ ।
ଧରଇ ଗଳ ଥରଇ ଘନ ଘନ ଇଚ୍ଛଇ ଏ ଶରଣ ଜନ
ଦତ୍ତ କରଇ ଲବ ଲବ ଦଶନ ବସନ ରସବରତନ
ଜଳଦ, ନଖ ଚଳନ ନ ସହଇ
ଜନମ ତରତରଳ ନୟନର ରଖି ଏ ବଚନ ଭଣଇ ।
ଶୟନ ଝସ ଚହଟଇ ଚଳଇ ବଦନ ଅମଳ କମଳ
ଜଳଦ, ଅଳକ ଷଟପଦ ଗଣ
ଘନ ନଘନ କମଠ ପରସନ୍ନ ଝଲକ ପଏକ ହରଣ ।
ଉତ୍ତମ ଜନ କରଇ ଏ ଉପମ କନକ ସମ ଅପଘନ
ସତ ଉଲଗନ ସମୟର ବଣ ଦହ ଚହକ ବରଧନ
ଜଳଦ, ସହଜ ଓ ବର ଛଇଳ
କଷଇ ଏ ଉର ପଥର ଉପର ରଖଲ କିଛବର ଛଳ ।
ତପସମୟ ଜଡକର କରର ରଣରଣ ରଣ ରଚନ
ନୟନ ତପ ସଫଳ କରଣର ମଦନ ମଦବରଧନ
ଜଳଦ, ଉଲଟ ରସ ସରଜନ
ଅକଥନ ରସ ଜନନ ଏସନ ଚରଣ କଟକ ମଉନ ।
ନକର ସଦନ ଫଳ ନରତନ କହଇ ଉପମ ଏସନ
ଘନରସ ବରଷଣ ଫଳଦ ଏ ବଶ କରଣ ଭଚଳନ
ଜଳଦ, ଚରମ ପତନ କବର
ନର୍ଜନ, କର ଷଢଜ ରବ ଧରି ଚପଳ ଏ ଦରଶନର ।
ଚଳଇ ଅଳକ ଜନମ ଶରମ ବଶ ଘରମ ଜଳ କଣ
ଗମନ ରସ ଦିନ ରସମଦନ କରକ ଷଟପଦ ଗଣ
ଜଳଦ, ତରଳ ତରଳ କହଇ
ଏମନ ନକର ଏ ଉତ୍ସବ ସମ ଅନ୍ୟ ଜଗତର ଅଛଇ ।
ସକଳ ଅହ ଲପନ ସମୟର ମମ ଅମର ପଟ ଏତ
ଅଳସ ଭଗନ ସ୍ତନ ଦରଶନ ଅଧର ରସଦର ସତ
ଜଳଦ, ମଦନ କଳମଷ ହର
ଅଭୟ ବରଦ ବହଇ କରଜ ପଦ ଶକଳ ଶଶଧର ।
ମନମଥର ଚାମରରବତ ହତ କବର ବରଚୟ
ଉନ ଭରସନ ଭବୟକ ଧନର ଏସନ ସମୟ
ଜଳଦ, କମଳ ବଦନ ନୟନ
ଚମକବଳ କମଳଧର ବତ ରକତ କମଳ ବରନ ।
ଜଳ ମଜନ ସମୟର ଜଳଜ, ନ ଭଜଇ ଷଟଚରଣ
ଲପନ ସଲଗ ଉଡଇ ରହଇ ନୟନ ପରିଶ କରଣ
ଜଳଦ, ଅବନ ଉଦୟ ଇଚ୍ଛଇ
ଏବଶ ଖଗ ନଭରତ ଶବଦ ଧନ ଦରଶନ ଡରଇ ।
ମମ ପଲ୍ଲବ ଭର ନଗ ପଛର ଗତ ଦରଶନ ବଶର
ଅନ ଉପମ ପରସନ୍ନ ଧରଇ ବସନ ଜଳ ଜରଜର
ଜଳଦ, ଧନ ମମ ଦରଶନର
ସଲ୍ଲଜ ବଶ ତର ଓଳଗ କରଇ ସକଳ ଇତର ।
ରଜ ସମୟତ ପଡଇ ବଢଇ ଉଚ୍ଛନ୍ନ ହରଇ ଦରପ
ଏକ ସଦନର ଅଲଗ ଶୟନ କରଇ ଲବକ କଳପ
ଜଳଦ, ଅସହ କଷଣ ପତନ
କରକ ପତନ ଭଜଇ ଏ ଉର ମନତ କରଇ ଜପନ ।
ଅନଉଦୟ ଅମରଷ କପଟ ମନ ପରମ ରତ ବିଶ
ଭବର ଉଦୟ ସହଜ ଜଳଜଭବ ରଚନ କରି ଯଶ
ଜଳଦ, ରସ କଳପ ନଗ ସମ,
ଏଜନ ଧନ ଅପହରହ ସହଇ ରହଇ ଏ ଘଟ ଅଧମ ।
ମମ ଅମର କରି ନବ ପଲ୍ଲବ ଅଧରର ରସ ଅଶନ
ଛଇଳ ଗଣର ବଡ ଅଯଶ ଏ ସମୟ କରଇ ଏସନ
ଜଳଦ, ଗଦବତ ସ୍ମର ଗରଳ
ଶମନ ଭବନ ଗମନ ଉତ୍ସବ ଇଚ୍ଛଇ ଏମନ ଚପଳ ।
ଏସନ ବଚନ ରଚନ ସମୟ ଘନ ଘଟ ଘନ ରବକ
ଅଚଳ ଉପର ପତନ ଚଡକ ତଦବିତ ଉର କରକ
ଜଳଦି, ଜଳ ମଜ୍ଜନ ଚକ ମକ
ଉପଳ ଅନଳ ଜନମ କରଇ ତବତ ଖଳ ଏସନକ ।
କଷଣ ଉପର କଷଣ ନକର ନ ଚଳ ବଡପଣ ରଖ
ଅନଳ ଗରଳ ଜନମ କରତ ଉରଗ ଅଶନର ସଖ
ଏ ରସ ଉପଇନ୍ଦ୍ର ଭଞ୍ଜ କହଇ
ମହଛନ୍ନ ଦଶରଥ ନରବର ତନୟ ରତନ ସରଇ ।
