ଜମ୍ମୁ-କଶ୍ମୀରର ବାରାମୁଲ୍ଲା ଜିଲ୍ଲା ଅନ୍ତର୍ଗତ ହାତଲଙ୍ଗା ଅଞ୍ଚଳରେ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି।
ଏହା ଏପରି ସମୟରେ ହୋଇଛି ଯେତେବେଳେ ଅନନ୍ତନାଗ ଜିଲ୍ଲାରେ ପାହାଡିଆ ଅଞ୍ଚଳରେ ଜଙ୍ଗଲରେ ପଜିଶନ ନେଇଥିବା ଆତଙ୍କବାଦୀଙ୍କୁ ନିପାତ କରିବା ପାଇଁ ଅପରେସନ ଜାରି ରହିଛି। ଶନିବାର ଚତୁର୍ଥ ଦିନରେ ମଧ୍ୟ ଗୁଳି ବିନିମୟ ଜାରି ରହିଛି।
କଶ୍ମୀର ପୁଲିସ ସୂଚନା ଦେଇଛି ଯେ ଶନିବାର ବାରମୁଳା ଜିଲ୍ଲାର ଉରିଠାରେ ଜଣେ ଆତଙ୍କବାଦୀ ନିହତ ହୋଇଥିବା ବେଳେ ଅନ୍ୟ ଆତଙ୍କବାଦୀଙ୍କ ସନ୍ଧାନ ଜାରି ରହିଛି।
