ବାୟୁସେନା ପାଇଁ 12ଟି ଏସୟୁ-30ଏମକେଆଇ କ୍ରୟ ପ୍ରସ୍ତାବକୁ ପ୍ରତିରକ୍ଷା ମନ୍ତ୍ରାଳୟର ମଞ୍ଜୁରୀ

ପ୍ରତିରକ୍ଷା ମନ୍ତ୍ରଣାଳୟ ଆଜି ଭାରତୀୟ ବାୟୁସେନା ପାଇଁ 12ଟି ଏସୟୁ-30ଏମକେଆଇ କ୍ରୟ ପ୍ରସ୍ତାବକୁ ଅନୁମୋଦନ କରିଛି। 11,000 କୋଟି ଟଙ୍କା ବ୍ୟୟରେ ହେବାକୁ ଥିବା ଏହି ପ୍ରକଳ୍ପରେ ବିମାନ ଏବଂ ଆନୁସଙ୍ଗିକ ଗ୍ରାଉଣ୍ଡ ସିଷ୍ଟମ ସାମିଲ ରହିଛି। ଏହି ବିମାନରେ ଆବଶ୍ୟକତା ଅନୁସାରେ 60 ପ୍ରତିଶତରୁ ଅଧିକ ସ୍ୱଦେଶୀ ସାମଗ୍ରୀ ସାମିଲ ହେବ। ଏହା ଭାରତୀୟ ବାୟୁସେନାର ଅତ୍ୟାଧୁନିକ ଏସୟୁ-30 ଏମକେଆଇ ବିମାନ ହେବ: ପ୍ରତିରକ୍ଷା ଅଧିକାରୀ ଡ। ଏହାବ୍ୟତୀତ ପ୍ରତିରକ୍ଷା ଅଧିଗ୍ରହଣ ପରିଷଦ (ଡିଏସି) ପାଖାପାଖି 9ଟି ପୁଞ୍ଜି ଅଧିଗ୍ରହଣ ପ୍ରସ୍ତାବ ପାଇଁ ଆବଶ୍ୟକତାର ସ୍ୱୀକୃତି (AoN) ପ୍ରଦାନ କରିଛି। 45 ହଜାର କୋଟି ଟଙ୍କା ବିନିୟୋଗ ହେବ। 2023 ମସିହା ସେପ୍ଟେମ୍ବର 15 ତାରିଖରେ ରାଜନାଥ ସିଂହଙ୍କ ଅଧ୍ୟକ୍ଷତାରେ ଏହି ବୈଠକ ବସିଥିଲା। ଏହି ସମସ୍ତ କ୍ରୟ ଭାରତୀୟ ବିକ୍ରେତାଙ୍କ ଠାରୁ 'ବାଇ' (ଭାରତୀୟ-ସ୍ୱଦେଶୀ ଭାବେ ବିକଶିତ ଏବଂ ପ୍ରସ୍ତୁତ (ଆଇଡିଏମଏମ) / 'ବାଇ' (ଭାରତୀୟ) ବର୍ଗରେ କରାୟିବ ଯାହା 'ଆତ୍ମନିର୍ଭର ଭାରତ' ଲକ୍ଷ୍ୟ ହାସଲ ଦିଗରେ ଭାରତୀୟ ପ୍ରତିରକ୍ଷା ଉଦ୍ୟୋଗକୁ ଯଥେଷ୍ଟ ପ୍ରୋତ୍ସାହନ ଦେବ: ପ୍ରତିରକ୍ଷା ମନ୍ତ୍ରାଳୟ। ମନ୍ତ୍ରଣାଳୟ ଆହୁରି ମଧ୍ୟ କହିଛି ଯେ ଡିଏସି ଭାରତୀୟ ନୌସେନା ପାଇଁ ପରବର୍ତ୍ତୀ ପିଢ଼ିର ସର୍ଭେ ଜାହାଜ କ୍ରୟକୁ ଅନୁମୋଦନ କରିଛି ଯାହା ଜଳ ଭୌଗଳିକ କାର୍ୟ୍ୟ ସମ୍ପାଦନ କରିବାରେ ଏହାର କ୍ଷମତାକୁ ବୃଦ୍ଧି କରିବ।