ଶୁଣ ରସିକେ ନବ ଯଉବନୀ ।
ହୋଇ ବନିତା ମଣ୍ଡିଲା ଅବନୀ । ୧ ।
ଏଣୁ ଉପମାଗଣ ନିରନ୍ତର ।
କି କରିବା ଭାବି ହେଲେ କାତର । ୨ ।
ଝଳି କାର୍ତ୍ତିରେ ଲଭିଣ ଭୀତିକି ।
କଲା କଣ୍ଟକ ଦୁର୍ଗକୁ କେତକୀ ।୩।
ପାଞ୍ଚେ ମନ୍ଦିର କୁଚ ବଢ଼ିବାରେ ।
କିମ୍ପା ବୁଡ଼ି ନ ମଲି ପାରାବାରେ । ୪ ।
ନାସା ପୁଢ଼ା ଫୁଲିବାର ଅନାଇ ।
ଭାଷାବନ୍ଧେ ଶୁକ ମନ ମନାଇ ।୫ ।
ମୁଖେ ପ୍ରଚାର ପରିଚାରିପଣ ।
ସୁଖେ ଦର୍ପ ହାତୁ କଳାଦର୍ପଣ ।୬ ।
କମ୍ବୁ କଣ୍ଠ ଦେଖ୍ ଅତି ଆଉଁରୁ ।
ସମ ନୋହେ ବୋଲି ଡାକେ ପ୍ରାତରୁ ।୭ ।
ନେତ୍ର ସଙ୍ଗେ ଳକ୍ଷିବେ କି ସୁମରି ।
ମୀନ ଜଳ ହୀନରେ ଯାଏ ମରି ।୮
ହୋଇ ହାସରେ କୁସୁମ ବିଜିତ ।
ମକରନ୍ଦ ଛଳେ ଅଶ୍ରୁ ତେଜିତ । ୯ ।
ରମ୍ଭା ଉପମା ପଦ ପ୍ରଦେଶକେ ।
ଆଉ କେହୁ ସମ ହେବ ଅଂଶକେ । ୧୦ ।
କୁନ୍ଦୁକରୋକ ହୀରକ-ରଦନା ।
ସୁଧାକର ସରସିଜ ବଦନା । ୧୧ ।
ଏ ପ୍ରୟୋଗ ପରମ୍ପରା ଅଛିତ ।
ବାଳାଠାରେ ବର୍ଷିବାରେ କୁତ୍ସିତ ।୧୨ ।
କଞ୍ଜ ଖଞ୍ଜନ ଗଞ୍ଜନ ଲୋଚନା ।
ମତ୍ତ ପରଭୃତ ଜିତ ବଚନା । ୧୩ ।
ଏ ବିସ୍ରେ ବର୍ଷିଲେ ସେ ଚତୁରୀ ।
କେତେ ହୋଇବ କବିତା ଚାତୁରି ।୧୪।
ଯହିଁ କୃଶ କଲା ମଧ୍ୟ ଶୋଭିତ ।
ତହିଁ ଚାହିଁ ହେଉଥାଇ ଲୋଭିତ । ୧୫ ।
ତହିଁ ସୁନ୍ଦରେ ସୁନ୍ଦର ହୋଇଲେ ।
କିସ ଅଧିକ ହୋଇବ ବୋଇଲେ ।୧୬ ।
ଏ ପ୍ରକାର ସୁନ୍ଦରୀ କୃଶୋଦରୀ ।
ଅଛି ଦିନେ ସେ ଶୟନ ଆଦରି ।୧୭ ।
ନିଦ୍ରା ନାଶ ଅବକାଶ ଆଶାରେ ।
ଜଗିଛନ୍ତି ଏତେ ସଖୀ ଆଶାରେ ।୧୮ ।
ନିଜ ଧାତ୍ରୀ ପୁତ୍ରୀ ହେବ ମଞ୍ଜରୀ ।
ଆକ୍ଷପକ୍ଷ ବନ୍ଦିକି ସେ ପଞ୍ଜରୀ ।୧୯ ।
କାମକଳା ନାମ ମନ୍ତ୍ରୀ ଦୁହିତା ।
ବିହି ବିନ୍ଧାଣୀ ବୋଲଇ ବିହିତା ।୨୦ ।
ରସଲେଖା ସୁରେଖା ଚିତ୍ରଲେଖା ।
ହାରାବଳୀ ଚନ୍ଦ୍ରାବଳି ଏ ଲେଖା । ୨୧ ।
ରତ୍ନମାଳା ହେମମାଳା ବିମଳା ।
ପ୍ରେମଶୀଳା ସୁଶୀଳା ପରିମାଳା ।୨୨ ।
କଳ୍ପଲତା ମଦାଳସା ମଞ୍ଜୁଳା ।
ପ୍ରେମ ସୁଧାନିଧ୍ ପ୍ରଭାମଞ୍ଜୁଳା ।୨୩ ।
ଷୋଳ ସମାନ୍ତସୁତା ରୂପେ ସରି ।
କାହୁଁ ହୋଇବ ସ୍ବର୍ଗ ଅପସରୀ । ୨୪ ।
ଅଙ୍ଗ ସ୍ବେଦ ନୋହିବାକୁ ଜନିତା ।
ଚାଳେ ଫୁଲବ୍ୟଞ୍ଜନ ଯେ ବିନତା । ୨୫ ।
ଖଦି ଚାମର ରାଜ ଉପଚାର ।
ଭାଳି କେହି କେହି କରେ ପ୍ରଚାର । ୨୬ ।
କରି ଚରଣେ କର ନିବେଶନ ।
ଧୀରେଧୀରେ କେ କରେ ଆଶ୍ବାସନ । ୨୭ ।
ଯୁଗ ଖଦିର ଚୂର୍ଣ୍ଣ କେ ଶୋଭାଙ୍ଗୀ ।
ଦିବ୍ୟପଳିତା ନାକ ବଲ୍ଲୀ ଭାଙ୍ଗି ।୨୮ ।
ବାଛି ଝୀନବାସ କୁଞ୍ଚି ସତ୍ଵରେ ।
ଉଞ୍ଚି ରଖୁଛି କେ ଚୂନା
ଅତରେ । ୨୯ ।
ଦଳମାନ ହରି କରି ସେବତୀ ।
ଗୁନ୍ଥି ଅଛି କେ ମାନିଆ ଯୁବତୀ ।୩୦ ।
ଝରା ଶିକଳୀ ଗଳାକୁ ମାଳିକା ।
କରୁଛନ୍ତି କେହି କେହି ବାଳିକା ।୩୧ ।
ଭରି ଲବଣୀ ସୁନ୍ଦୂର ଦଳନା ।
କରୁଅଛି ବସି କେଉଁ ଲଳନା ।୩୨ ।
ମୃଗମଦ ଗୋଳୁଚି କେଉଁ ମିତ ।
କୁଚ ବିଚିତ୍ର ଚିତ୍ରର ନିମିତ୍ତ ।୩୩ ।
ଫେଡ଼ା ଫେଡ଼ି କେ ବାଜୁଛି ରତନ ।
ଅଳଙ୍କାରେ ଯେଉଁମାନେ ଯତନ ।୩୪ ।
ଘନସାର ମିଶାଇ ଚନ୍ଦନରେ ।
କେହୁ ଥୋଇଛି ହରଷ ମନରେ ।୩୫ ।
ସଖୀମାନଙ୍କର ଏହି ବ୍ୟପାର ।
ପରିଚାରିକା ଅଛନ୍ତି ଅପାର ।୩୬ ।
ଫୁଲ ଫଳଙ୍କର ନାମ ଉଦିତ ।
ଧରି ଝରୀ ପରିଖାକେ ମୋଦିତ ।୩୭ ।
କେହି କରୁଛି ମୁକୁର ମାର୍ଜନ ।
କେ ଖରଡ଼ ସାରିବାରେ ରଞ୍ଜନ ।୩୮ ।
ଅପସର କେ ଦେଉଛି ସତ୍ଵରେ ।
ପୀଠ ପକାଉଛି କେହୁ ଚତୁରେ । ୩୯ ।
ଜଳ ଆଣୁଛି କେ ହେମ କୁମ୍ଭରେ ।
ନାହିଁ ଅସର ଏହି ଆରମ୍ଭରେ ।୪୦ ।
ଶୁକ୍ଳପକ୍ଷ ଦଶମୀ ବୁଧବାରେ ।
ସିଦ୍ଧ ସାଧ୍ୟ ଯୋଗ ଦେବାରେ ।୪୧ ।
ଦିନ ଅଷ୍ଟଦଣ୍ଡ ଭୋଗ ଆଦିତ୍ୟ ।
ଶୁକ୍ରବେଳା ତୁଳଲଗ୍ନ ବିଦିତ ।୪୨ ।
ପୁଷ୍ୟାନକ୍ଷତ୍ରେ କକଡ଼ା ଚନ୍ଦ୍ରରେ ।
ବୃହସ୍ପତି ଛନ୍ତି ଉଚ୍ଚ କେନ୍ଦ୍ରରେ ।୪୩ ।
ସ୍ଥିତି ଶଉରୀ ମଙ୍ଗଳ ମକରେ ।
ମେଷେ ଅସୁରଗୁରୁ ଲୀଳା କରେ ।୪୫ ।
ଧନ୍ୟ ହୋଇଅଛି ରାହୁ କନ୍ୟାରେ ।
ବୁଧ ମିଥୁନରେ କେତୁ ମୀନରେ ।୪୬ ।
ଏ ସମୟରେ ରମଣୀ ରତନ ।
ଋତୁ ଲଭିଣ ଭଜିଲା ଚେତନ ।୪୭ ।
ନିଦ୍ରାଗିରି ହତେ ପବି ପତନ ।
ଯାହା ଚଳିଲାଟି କାମକେତନ ।୪୮ ।
ଜାତି ମାଳାକୁ ଠାରି ନେତ୍ରାନ୍ତରେ ।
ଗଲା ଗୋପ୍ୟମନ୍ଦିରେ ତରତରେ ।୪୯ ।
ଘନ ଲେଖା ସେ କେଡ଼େ ବିବେକରେ ।
ରଙ୍ଗପାଟ ଦୁକୂଳେ ନେଇ କରେ ।୫୦ ।
ପାଇଁ ଏକାନ୍ତେ ଯତ୍ନ ରତ୍ନବେଶୀ ।
ଜଙ୍ଘସନ୍ଧିପାଶେ ଦୃଷ୍ଟି ନିବେଶି । ୫୧ ।
ବିମ୍ସ ସ୍ଫଟିକ ବାଡ଼ରେ ଯେସନ ।
ଫୁଲ ମନ୍ଦିର ତେମନ୍ତ ପ୍ରସନ୍ନ ।୫୨ ।
ଚୂର୍ଣ୍ଣ ଭୂମିରେ ମଣ୍ଡଳ ଆକାରେ ।
ଦ୍ରବ ହିଙ୍ଗୁଳ ଢାଳିଲା ପ୍ରକାରେ ।୫୩ ।
ଦେଖ୍ ସୁଖୀ ହୋଇ ଆନ ବସନ ।
ପିନ୍ଧିହେଲା ସ୍ମରପୁର ଦର୍ଶନ ।୫୪ ।
ହେମ ପଦକରେ କାମ ବଣିକ ।
କଲା ନାୟକ କି ଦିବ୍ୟ ମାଣିକ ।୫୫ ।
ଯୁବାଜୟକୁ ପାତ୍ରିର ସଂକଳ୍ପ ।
କରେ ବିମ୍ସଫଳେ ନାହିଁ ବିକଳ୍ପ ।୫୬ ।
ଯଉବନମାଳୀ ସ୍ତନଶମ୍ଭୁରେ ।
ପୂଜା ବିହି ସାରି ସ୍ବର୍ଣ୍ଣକମ୍ପୁରେ ।୫୭ ।
ପାରିଜାତ ପ୍ରସାଦ କି ଥୋଇଛି ।
ସେହି ପ୍ରକାରେ ରୁଚିର ହୋଇଛି । ୫୮ ।
ବାଳଭାନୁ ଜାନୁଗିରି ଗୁହାରେ ।
ସ୍ଥିତ ଆଭାସୁଛି ଆଗ ବାହାରେ ।୫୯ ।
ବାଳଭାନୁ ଜାନୁଗିରି ଗୁହାରେ ।
ସ୍ଥିତ ଆଭାସୁଛି ଆଗ ବାହାରେ ।୫୯ ।
ଅଧୋମୁଖରେ ଶୋଣିତ ବମନ ।
କଚ୍ଛପ କି କରଇ ଘେନ ମନ ।୬୦ ।
ଚିତ୍ର ଘେନିବା କରି ମାନସରେ ।
ରତି କି ଜଘନ-ପେଡ଼ି ଶେଷରେ ।୬୧ ।
ନବନୀତରେ ସିନ୍ଦୂର ଗୋଳିଲା ।